Qazaqstan Respýblıkasy Bilim jáne ǵylym mınıstrliginiń buıryǵy  №12

2016 jylǵy 8 qańtar, Astana qalasy «Tehnıkalyq jáne kásiptik, orta bilimnen keıingi bilim berý uıymdarynyń túrleri qyzmetiniń úlgilik qaǵıdalaryn bekitý týraly» Qazaqstan Respýblıkasy Bilim jáne ǵylym Mınıstriniń  2013 jylǵy 11 qyrkúıektegi № 369 buıryǵyna ózgerister engizý týraly buıyramyn: 1. «Tehnıkalyq jáne kásiptik, orta bilimnen keıingi bilim berý uıymdarynyń túrleri qyzmetiniń úlgilik qaǵıdalaryn bekitý týraly» Qazaqstan Respýblıkasy Bilim jáne ǵylym Mınıstriniń 2013 jylǵy 11 qyrkúıektegi №369 buıryǵyna (Normatıvtik quqyqtyq aktilerdi memlekettik tirkeý tiziliminde 2013 jylǵy 18 qazanda №8828 bolyp tirkelgen, «Kazahstanskaıa pravda» gazetiniń 2014 jylǵy 4 naýryzdaǵy №43 (27664) sanynda jarııalanǵan) mynadaı ózgerister engizilsin: kórsetilgen buıryqpen bekitilgen Tehnıkalyq jáne kásiptik, orta bilimnen keıingi bilim berý uıymdarynyń túrleri qyzmetiniń úlgilik qaǵıdalarynda: 3-tarmaq mynadaı redaksııada jazylsyn: «3. Tehnıkalyq jáne kásiptik, orta bilimnen keıingi bilim berý uıymdary bir nemese birneshe bilim berý baǵdarlamalaryn iske asyratyn jáne bilim alýshylarǵa bilim men tárbıe berýdi qamtamasyz etetin zańdy tulǵalar bolyp tabylady.»; 6-tarmaqtyń 2) tarmaqshasy mynadaı redaksııada jazylsyn: «2) joǵary kolledj;»; 8-tarmaq mynadaı redaksııada jazylsyn: «1) kolledj – jalpy orta, tehnıkalyq jáne kásiptik nemese orta bilimnen keıingi bilimniń bilim berý baǵdarlamalaryn iske asyratyn oqý orny (budan ári – Kolledj); 2) múmkindigi shekteýli balalarǵa arnalǵan kolledj - I jáne II toptaǵy múgedek, bala kezinen múgedek, múgedek balalar qatarynan, múmkindigi shekteýli balalarǵa jalpy orta, tehnıkalyq jáne kásiptik nemese orta bilimnen keıingi bilim beretin oqý baǵdarlamalaryn iske asyratyn oqý orny; 3) joǵary kolledj (budan ári – JK) – tehnıkalyq jáne kásiptik, orta bilimnen keıingi bilimniń ıntegrasııalanǵan modýldi bilim berý baǵdarlamalaryn iske asyratyn oqý orny; 4) ýchılıshe – mádenıet jáne óner salasyndaǵy negizgi orta, jalpy orta, tehnıkalyq jáne kásiptik bilimniń bilim berý baǵdarlamalaryn iske asyratyn oqý orny.»; 11-tarmaq mynadaı redaksııada jazylsyn: «11. Jeke adamnyń suranystary men múmkindikterin, tehnıkalyq jáne kásiptik bilim berý uıymdarynda bilim alýdyń qoljetimdiligine jaǵdaılar jasaýdy esepke ala otyryp, bilim berý baǵdarlamalarynyń mazmunyna qaraı oqytý kúndizgi, keshki, syrttaı nysandarda júzege asyrylady (keshki jáne syrttaı nysanda bilim alýǵa ruqsat etilmeıtin jekelegen kásipter men mamandyqtardan basqa).»; 2 - paragraf mynadaı redaksııada jazylsyn: «2-paragraf. Joǵary kolledj»; 38, 39, 40, 41, 42 jáne 43-tarmaqtar mynadaı redaksııada jazylsyn: «38. JK óz qyzmetin Qazaqstan Respýblıkasynyń Konstıtýsııasyna, zańdary men normatıvtik aktilerine, sondaı-aq osy Úlgilik qaǵıdalarǵa sáıkes júzege asyrady. 39. JK oqý-tárbıe prosesin uıymdastyrýdy, kadrlardy irikteý men ornalastyrýdy, oqý-ádistemelik, qarjy-sharýashylyq qyzmetin Qazaqstan Respýblıkasynyń zańnamasynda, osy Úlgilik qaǵıdalar men JK jarǵylarynda belgilengen shekterde derbes júzege asyrady. 40. JK júzege asyratyn oqý, oqý-ádistemelik jáne tárbıe jumysyn josparlaý jáne esepke alý oqý jáne tárbıe prosesin uıymdastyrýdyń negizi bolyp tabylady. 41. JK-da oqý jáne tárbıe jumysyn josparlaý oqý jylyna arnalǵan oqý-tárbıe prosesiniń kestesin jáne teorııalyq, praktıkalyq sabaqtardyń kestesin bekitý jolymen júzege asyrylady. Oqý-tárbıe prosesiniń kestesi men oqý sabaqtarynyń kestesin JK basshysy bekitedi. JK-da oqý jáne tárbıe jumysyn esepke alý teorııalyq jáne óndiristik oqytýdy esepke alý jýrnaldaryn (erkin nysanda) jáne oqý baǵdarlamalaryn oqytý saǵaty boıynsha oryndaýdy esepke alý tabelderin júrgizý jolymen júzege asyrylady. 42. JK oqý jumys josparlaryn jáne oqý jumys baǵdarlamalaryn tıisti úlgilik oqý josparlary men úlgilik oqý baǵdarlamalary negizinde ázirleıdi jáne jumys berýshilermen kelisedi. 43. Qazaqstan Respýblıkasy Úkimetiniń 2013 jylǵy 17 mamyrdaǵy №499 qaýlysymen bekitilgen Tehnıkalyq jáne kásiptik bilimniń bilim berý baǵdarlamalaryn iske asyratyn bilim berý uıymdary qyzmetiniń úlgilik qaǵıdalaryna (budan ári – Qyzmettiń úlgilik qaǵıdalary) sáıkes JK-da oqytý jeke adamnyń suranystary men múmkindikterin, bilim alýdyń qol jetimdiligine jaǵdaılar jasaýdy esepke alǵanda bilim baǵdarlamalarynyń mazmunyna qaraı kúndizgi, keshki, syrttaı nysandarda júzege asyrylady.»; 45-tarmaq mynadaı redaksııada jazylsyn: «45. JK-da menshik nysanyna jáne vedomstvolyq baǵynystylyǵyna qaramastan oqý jyly oqý prosesiniń kestesine sáıkes bastalady jáne aıaqtalady. JK-da oqý kestesi oqý prosesi kestesine jáne oqý baǵdarlamasyna sáıkes jasalady.»; 47 jáne 48-tarmaqtar mynadaı redaksııada jazylsyn: «47. JK-da oqý sabaqtary sabaqtar, dárister, semınarlar, praktıkalyq sabaqtar, zerthanalyq, baqylaý jáne ózindik jumystar, konsýltasııalar, áńgimeler, fakýltatıvtik sabaqtar, kýrstyq jáne dıplomdyq jobalar, jumystar jáne oqý sabaqtarynyń basqa nysandary túrinde ótkiziledi.»; 48. Bilim alýshylarmen oqý sabaqtaryn uıymdastyrý jáne ótkizý úshin JK-da oqý toptary qurylady. JK-da oqý toptary mamandyqtar boıynsha kúndizgi oqý bóliminde sany 25 adamnan aspaıtyn, syrttaı, keshki oqytý bólimderinde keminde 15 adamnan quralady. Mamandyq nemese kásip beıininiń ereksheligine qaraı JK-da jekelegen bilim alýshylarmen jeke sabaqtar ótkiziledi.»; 50, 51, 52, 53 jáne 54-tarmaqtar mynadaı redaksııada jazylsyn: «50. JK-nyń bilim berý prosesine qatysýshylar: bilim alýshylar men ata-analar, pedagogıkalyq qyzmetkerler men kámeletke tolmaǵan bilim alýshylardyń zańdy ókilderi, jumys berýshiler bolyp tabylady. 51. JK-nyń bilim alýshylaryna stýdentter, kýrsanttar, tyńdaýshylar jatady. 52. Memlekettik JK-daǵy pedagogıkalyq qyzmetkerler laýazymdarynyń sany men tizbesi Úlgilik shtattar negizinde, jeke menshik JK Qazaqstan Respýblıkasynyń zańnamasyna sáıkes olardyń quryltaıshylary nemese oǵan ýákiletti adam aıqyndaıdy. 53. JK-nyń pedagogıkalyq qyzmetkerlerine bilim alýshylardy oqytýmen jáne tárbıeleýmen baılanysty bilim berý qyzmetimen aınalysatyn tulǵalar jatady. 54. JK-nyń pedagogıkalyq qyzmetkerler laýazymdaryn aýystyrý menshik nysanyna jáne vedomstvolyq baǵynystylyǵyna qaramastan Qazaqstan Respýblıkasynyń Eńbek kodeksinde belgilengen tártippen júzege asyrylady.»; 55-tarmaqtyń birinshi bóligi mynadaı redaksııada jazylsyn: «55. Qyzmettiń úlgilik qaǵıdalaryna sáıkes mamandyqtar boıynsha kadrlar daıarlaý beıinine qaraı oqý-tárbıe prosesin basqarý úshin JK-da mamandyqtar (kásipter) toptary boıynsha bólimder jáne basqa da qurylymdyq bólimsheler qurylady.»; 56-tarmaqtyń birinshi bóligi mynadaı redaksııada jazylsyn: «56. Bólimdi JK basshysy taǵaıyndaıtyn meńgerýshi basqarady.»; 57 jáne 58-tarmaqtar mynadaı redaksııada jazylsyn: «57. JK-da bólimder: 1) oqytýdyń kúndizgi nysany kezinde bir nemese birneshe mándes mamandyqtar men kásipter boıynsha keminde 150 bilim alýshy bolǵanda; 2) oqytýdyń keshki, syrttaı nysandary kezinde keminde 100 bilim alýshy bolǵanda qurylady. 58. Bilim alýshylardy óndiristik oqytý oqý-óndiristik sheberhanalarda, zerthanalarda, polıgondarda, JK-nyń oqý sharýashylyqtarynda, shart negizinde jumys berýshiler usynatyn oqýshy oryndarynda nemese jumys oryndarynda júzege asyrylady.»; 60-tarmaqtyń birinshi bóligi mynadaı redaksııada jazylsyn: «60. JK-nyń kásiptik praktıkasyn ótkizý úshin sharttyq negizde óndiristik oqý jáne kásiptik praktıka bazalary retinde uıymdar belgilenedi, olarmen kelisilgen oqý baǵdarlamalary jáne praktıkadan ótýdiń kúntizbelik kestesi bekitiledi.»; 61-tarmaq mynadaı redaksııada jazylsyn: «61. Oqý-óndiristik sheberhanalar, oqý sharýashylyqtary, oqý polıgondary JK-nyń qurylymdyq bólimsheleri mamandyqtar boıynsha óndiristik oqytý sheberleriniń basshylyǵymen kadrlar daıarlaý beıinine qaraı óndiristik oqytý­dyń oqý baǵdarlamalarynyń mazmunyn jáne kásiptik praktıkany iske asyrýdy qamtamasyz etý maqsatynda qurylady.»; 63-tarmaqtyń úshinshi bóligi mynadaı redaksııada jazylsyn: «Oqý sheberhanalaryndaǵy, oqý sharýashylyqtaryndaǵy oqý-óndiristik jumystardyń tizbesin, mazmunyn jáne olardy oryndaý boıynsha talaptardy kadrlar daıarlaýdy júzege asyrý úshin jumys berýshilermen kelisý boıynsha tikeleı JK aıqyndaıdy.»; 65, 66 jáne 67-tarmaqtar mynadaı redaksııada jazylsyn: «65. JK-da basqarý Qazaqstan Respýblıkasynyń bilim salasyndaǵy zańnamasyna, osy Qaǵıdalarǵa jáne dara basshylyq jáne alqalyq qaǵıdattarǵa arnalǵan oqý ornynyń jarǵysyna sáıkes júzege asyrylady. JK basqarýdy tikeleı basshy júzege asyrady. JK-nyń basshysy laýazymǵa Qazaqstan Respýblıkasynyń zańnamasymen belgilengen tártipte taǵaıyndalady jáne bosatylady. 66. Bilim alýshylardy oqytý jáne tárbıeleý sapasyn, oqytýshylardyń pedagogıkalyq sheberligin arttyrý jáne ádistemelik jumystardy jetildirý maqsatynda JK-da alqalyq basqarý organdary qurylady. 67. JK-nyń alqalyq basqarý nysandary pedagogıkalyq, oqý-ádistemelik, qamqorshylyq, konsýltatıvtik keńester bolyp tabylady.»; 7-paragraf alynyp tastalsyn. 2. Kásiptik-tehnıkalyq jáne orta bilimnen keıingi bilimdi jańǵyrtý departamenti (D.J. Qalenova) zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryqtyń kóshirmesin Qazaqstan Respýblıkasy Ádilet mınıstrliginde memlekettik tirkeýden ótkennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq Qazaqstan Respýblıkasy normatıvtik quqyqtyq aktileriniń etalondyq baqylaý bankinde ornalastyrý úshin «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna joldaýdy; 3) osy buıryqty Qazaqstan Respýblıkasy Bilim jáne ǵylym mınıstrliginiń resmı ınternet-resýrsynda ornalastyrýdy; 4) osy buıryqty bilim berý uıymdarynyń nazaryna jetkizýdi qamtamasyz etsin; 5) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Bilim jáne ǵylym mınıstrliginiń Zań departamentine osy buıryqtyń 2-tarmaǵynyń 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasy Bilim jáne ǵylym vıse-mınıstri E.N. Imanǵalıevke júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasy Bilim jáne ǵylym mınıstriniń mindetin atqarýshy T.BALYQBAEV Buıryq Qazaqstan Respýblıkasynyń Ádilet mınıstrliginde 2016 jylǵy 8 aqpandaǵy Normatıvtik quqyqtyq kesimderdi memlekettik tirkeýdiń tizilimine №13011 bolyp engizildi.